Tiada Restu

Assalamu'alaikum lon ucap sapa
Keu sidroe dara nyang tat lon cinta
Cuma lawet nyoe ka kureung haba
Sebab ureung tuha hana seureuta

Dari banda aceh ulon wo langsung
Keudeh u gampong dara lon cinta
Lon jak merumpok meuturi langsung
Ngoen saudara kaum dan ureung tuha

Yoeh masa awai diyu jak langsung
Bahpih diulon golom na beulanja
Cuma yoeh wate ka lon jak langsung
Nyata keu ulon hana geurela

Allahu Allah Allahu rabbon
Hana judo lon ngoen adek rauza
Sebab golom na meuh intat pawon
Nyan keu syarat phon meurumoh tangga

Diureung tuha hana geutung lon
Sebb di ulon tan ganteng rupa
Tamah lom harta cit hana dilon
Dari ubit phon cit ka lam papa

Di jambo kacang ulon meupanton
Lon ungkap langsong ube na rasa
Cukop tat saket hanco hate lon
Dara lon sanjoeng hana seureuta

Beurujoek balee di dong bak pageu
Sambil dimeu eue darut lam paya
Kon hana cinta kon hana rindu
Cuma tan restu dari ureung tuha

Ngoen hatee seudeh ulon jak rijang
Ulon jak riwang bak tempat kerja
Keuno u banda ulon jak rijang
Deungoen harapan ek puleh luka

Cuma kon puleh nyang lon rasakan
Tamah meuguncang hate lam dada
Watee lon deungoe haba balasan
Cut adek sayang bek le lon damba

Sebb cut adek kana geunantoe
Keu calon lako dari ureung tuha
Bek le bang nara harap keu adoe
Sebab di adoe kana nyang tanda

Cinta nyang kana yoeh seulama nyoe

Ka jeut bang gantoe keu laen dara

Bek le bang nara hatee lam rangoe

Dua geutanyoe teutap meuhaba

Meubek le seudeh abg keu adoe

Seubab mandum nyoe adoe nyang mula

Nyoe adoe teupeu akhe lagee nyoe

Han mungken adoe sapa bg nara

Nyang adoe teupeu hana lagee nyan

Han seubagoe nyan ureung chik dinda

Hana geu pandang keu ganteng ruman

Hana geu halang bahpih tan harta

Hal nyang sabe geu utamakan

Beu jroeh iman kuat agama

Na budi bahsa jroeh keuturunan

Hana peulawan rajin useuha

Teuma yoeh jinoe adoe teudiam

Malee hana ban bak abg nara

Sebb ureung tuha ka laen macam

Ka geu utamakan tampan ngoen kaya

Beh ka jeut adoe mnyoe lagee nyan

Han mungken cut bang peupaksa cinta

Cinta nyang kana bah keu bang simpan

Kadang cit kadang jeut peu puleh luka

Puleh atau hana luka di dalam

Hana niet cut bg dendam keu dinda

Bah pih ureung tuha ka laen macam

Han mungken abg jak peudong dakwa

Meumada oh no haba lon susoen

Keu cut adek lon nyang ceudah rupa

Beu berkat umu geubi le rabbon

Beu bahgia untoeng seupanjang masa

Teuma nibak nyan peumeah rijang

Ateuh salahan abang bak dinda

Kadang cit singoeh awai bang riwang

Tan le kesempatan ta meuah desya

Wassalamu'alaikum warahmatullahi wabarakatu.

#Inspirasi Muda

#Maret 2020

Salah Pike Muda

ta pike mangat kabeh dum caroeng

rupa jih mantoeng gadoh som punca

ta pike ta ba harta dan inoeng

rupa jih mantoeng ngoen amai saja

ta pike ka mardeka thoen 45
rupa jih mantong meuiku lua
ta pike mangat nyoe kana corong
rupa jih mantong pakek senjata

Jelas Muda

Angen diteuka serta ngoen ujeun
Bek tajak peuteun nibak but dosa
Mangat ngoen hana haba yang lon keun
Bek tajak peuteun meunyoe meurasa

Beurujuk didong nibak ujoeng dheun
Demi keu umpeun gigeh meumita
Wate ta peuingat beuget ta kheun
Bek sampe meujangeun dalam dada

Usaha muda

Senang tat hate lon kalon manok
Watee di cutok umpeun lam tima
Hana meuguna lon peugah harok
Meusaboh manok han ek lon peuna

Memang hana yum nyoe saboh manok
Han glah keu rukok dikeun le yawa
Nyoe ka raseuki hana meulawok
Han kan dijak gok bungoeng lon pula

Rinduku Tersentak

Saat ku baca, ku tersentak rasa.
Teringat jua akan dirinya.
Mungkin disuatu ketika ia rindu pada ku.
Ia mencoba mencari kabar tentang ku.
Ia mencoba menjejaki status-status terbaruku.
Namun apa daya ku.
Statusku masih seperti kala itu.
Tak ada yg ku ubah sedikitpun.
Tak jua ku tambah.
Sudah tak ada lagi waktu bagi ku untuk  meletihkan jemari dan melototkan mata.
Ah..aku terlalu halu.. Hahaha